قالت الفنانة شيرين رضا، إنها فخورة بابنتها نور، لأنها تعتمد على نفسها على الرغم من عملها كفنانة، وعمل أبيها عمرو دياب، حيث قررت أن يكون لها شخصية مستقلة، مضيفا خل استضافتها في برنامج كلمة أخيرة مع لميس الحديدي “”فرحت لما نور قالت إنها هي اللي بتصرف على نفسها، إحنا قادرين نصرف عليها، لكن معظم الأطفال اللي اتربوا معاهم كل حاجة مابيحسوش إنهم محتاجين يحاربوا”.
وأضافت رضا في تصريحاتها، أنه الأبناء لابد وأن يتم زرع فيها الاعتماد على النفس وقالت:”محتاجين نزرع ده في ولادنا، باباها اشتغل وعمل فلوسه.. وأنا اشتغلت وعملت فلوسي، وفي النهاية الأولاد هياخدوا كل ده لكن لازم يعرفوا قيمة الفلوس”؟
شيرين رضا ترد على حملات التنمر على بنتها نور
وردت الفنانة شيرين رضا على بعض الأشخاص على مواقع التواصل الاجتماعي والذين يتنمرون على نجلتها بقولها:” بيقولولها شكلك عامل كده ليه؟ أنا نفسي بقى يوروني هما شكلهم إيه، أنا أصلًا أكبر متنمرة في الدنيا”.
وأضافت رضا: “لما حد ييجي يتنمر على بنتي هشطفه وأزرعه في الأرض، وقررت إنى أسكت لكن عايزة أسأل الناس سؤال؟ فرجوني جمالكم وحلاوتكم وجسمكم ودرستوا فين واتعلمتوا إيه ؟ وقبل ما تتنمر على حد لازم تشوف أنت أحسن منه والسوشيال ميديا بقت مؤذية جدا”.
يذكر أن آخر أعمال الفنانة شيرين رضا فيلم قمر 14 والذي شاركت به في مهرجان الجونة السينمائي الأخير، وتدور قصة الفيلم حول 5 حكايات مختلفة، وتشارك فيها البطولة الفنانة غادة عادل وكريم فهمي وعارفة عبد الرسول وكذلك الفنان أحمد حاتم ومحمد مهران وأسماء أبو اليزيد، والفنان القدير أحمد بدير ومحمد جمعة وأحمد مالك وبيومي فؤاد وكذلك الفنانة دينا الشربيني ومي الغيطي وأحمد الفيشاوي ومحمد علاء جمايكا وليلي عز العرب وخالد النبوي والفيلم قصة وسيناريو وحوار محمود زهران.