أعلنت مطرب المهرجانات عمر كمال تفاصيل علاقته بطليقة الفنان أحمد الفيشاوي ندى الكامل وسبب انفصالهما، وذلك بعدما خرجت بعض الأنباء التي تفيد حينها بارتباطهما فور انفصال ندى الكامل عن أحمد الفيشاوي.
عمر كمال يكشف علاقته بندى الكامل
وتابع عمر كمال خلال لقائه مع أميرة بدر في برنامج “خلاصة الكلام” على قناة النهار: أنا مابحبش أتعرف بموضوع عاطفي أو شخصي وزعلت لما الناس عرفت علاقتي لأدن مردودها عند الناس ماكنش كويس ومش عارف الناس شافت الموضوع إزاي.
وأشار عمر كمال إلى أنه في تلك الفترة كان يعاني من مشاكل نفسية استدعت الأدوية والمهدئات مضيفا: سلوكي مكنش مظبوط والأدوية كانت بتأثر عليا لدرجة أن ممكن حد ياخد مني مبلغ وأنسى خالص وكنت باخد أدوية بدون علم وناس وصفتلي ودخلت متاهة والموضوع قلب معايا بهلوسة، ومدير أعمال راح جابني من على الدائري وأنا خابط العربية وتاني يوم معرفتش عملت كده إزاي، وشغلي تأثر”.
وتابع عمر كمال: “ممكن أكون عملت حاجة غلط والمفروض أن الإنسانة اللي معايا لما تلاقيني بعمل حاجة غلط تعدلني مش تميل معايا، تجربة كانت سلبية عليا وأنا اللي خدت قرار الانفصال لأني كنت بقع، أنا حبيتها أكيد لكن التجربة ضرتني”.
ممكن أكون عصيت ربنا وربنا يديني قلم
واختتم عمر كمال حديثه: “ممكن أكون في علاقة وعصيت ربنا فربنا يديني قلم ويكسرني علشان يسمع صوتي وأنا فوقت وحاولت ترجع لي وأول ما أتأكدت أني مش راجع شوفت الوش التاني وناس تانية ظهرت أنا محتاج 6 شهور علشان اشفى من هذه العلاقة”.
يذكر أن ندى الكامل تزوجت العام الماضية بعد انفصالها من أحمد الفيشاوي إلا أنهما انفصلا مؤخرا، وقبل زواجهما انتشرت بعض الانباء التي تفيد بارتباط ندى الكامل بعمر كمال، واستعدادهما للزواج إلا أنهما سرعان من انفصلا.